Admin Admin
المساهمات : 216 تاريخ التسجيل : 14/04/2008 العمر : 32
| موضوع: الرميثة وحب الحسين(ع) السبت يناير 15, 2011 5:01 am | |
| { من الرميثة الكربلا راياتنه منشوره
غصبن على اخشوم العده كبر الحسين انزوره}
.................................................. ..............
من الرميثة الكربلا نمشي الك عناية
ماهمنه لاحر لابرد منشوره دوم الراية
شيعتك عذبنه الوكت سامونه ظلم اهواية
لوعات روانه الدرب
مرّه ابهدد مرّه ابحرب
ذبينه ارواح اونذب بس رايتك مستوره
.........................................
عادونه كبل ابكل ظلم سمونه اصغير النجف
عالعادة نلطم سيدي ويجري دمعنه اومانشف
مدّينه اركَاب اشكثر وكلب أُمنه أبدأً مارجف
أثياب حزن اتلبسه
اوداع موت اتبوسه
وتكله وفّي الفاطمة مطلوبه يبني انذوره
.................................
حاروا عداكم سيدي عملوا جرايم مانفع
واركضنا ما همناالوعر محسود البدربك وكَع
لبيك صحنه ابكل وكت وسمعنه كل الماسمع
انواسي زينب والحرم
زين العباد الي انهضم
وانفهم المايفتهم ونكله هاي الصوره
............................................
العبره نحفظ هالذكر ونعزي مولانا النبي
اعالراية نكتب ياعلي ونغيض كلب الناصبي
ونكلّه عيد الفاجعه وحسين غيره مانبي
شافع ذنوب ابآخره
وبالدنيه عينه ناظره
ويشوفنه ابكل مرحلة نبني ونعلّي ابسوره
.................................................. ..
نركض ابليل من الجرم والشوج اجه ابرجلينه
وجروح جيلات المشوا جبناهن الوالينه
امن الموصل اديالى اعتنواواتحدوا السجينه
وكركوك جتك فازعه
وتصيح آه..يالفاجعه
عفنه الرؤوس امكطعه وكبرك ارواح انزوره
................................
الشيعه بالحساء اوتون وتصيح فزعه ياعلي
طوّل علينه هالزمن خيبر تريدك يالولي
ممنوع أصلي ابجامعي ممنوع أجيبلك هلي
لوماتوا امنين الدرب
حارسني ابذيب وجلب
وانخاك يا حامي الحمه روحي ابجمرتنوره
............................................
خدام دوم اعللدرب ونرحب ابعواده
مفتوحه بيبان الكلب فدوه لضيوف الساده
ونعكد رايات المشه ونشاركه بمراده
هذي الرميثة الصابره
ترجاك دنيه وآخره
لوقصرت يوم العسر عند الظلم معذوره
.................................................. .... تحياتي
| |
|