قصيدة (جان اسمك حبيبي )

جان اسمك حبيبي كبل
لومريت الدنيابجيتك هوسه

وجانت دنيتي مفروشةوردواحلام
اوجانت عيني بحضرتك متروسه


انكلبت الايه وصرت عكس وياك
اصيربروحي شراني واسمك ادوسه


وصرت اكره لو يمر طاريك
وصرت اكره يومي لواكبالك اجلوسه






وجنت اصحى لومنك تجيني اجروح
ومن تنجرح جان نزفي اليداويك

كبل جنت انتةالقدوة بين الناس
هسةالغدر مثل صاروينضرب بيك

جان كدرك عالي والك هاذالمقام
صارجوةالكاع حبك يل جنت اغليك

مثل مانست الفرح هالروح بقائمةاحزان
اسويلك دم بنهرجاري وعني ابجيك







سميتك محبةوغلاوعاطفةوافراح
ولاردت فديوم اعرف شنهي التسميني

سلمتك عمر جان ببداية ليل
وماادري الغدر بس راح تنطيني

خليتك ضوه وتشع علي انوار
وانتةبكل صلافةعين ظلام ارميتني

ناطرتك زمن تحن وترد بيوم
ماقدرت تضحيتي ولا جيتني







اتعلمت منك اكبر درس بالحب
وواعدت ابد ماحب احد ثاني

من حبك ما ظكت غير بس الآه
وغير حسرات وقهركلي شجاني

لو اعرف تنصلح هاك آنة وياك
بس اعرف طريقك هالدمر كياني

خليني وي الزمن آنةاصفي احساب
واكلةلدرب غـدار غيرك شوداني








فوكاها المصيبه تضحك وبعينك افراح
ومافكرت بيه ومنك اذيتي

ولا صحت فديوم اوكف انا اترجاك
سامحني من كتلك اتحمــل خطيتي

عفيه انسان تجرح وتمشي بدون احساس
ليش اوياي اعوج يل صافيةاوياك نيتي

جنت كلك براءة وماتعرف تخون
بغدرك وك يظالم شوف اهجمت بيتي